ཁྱེད་ནི་ཁྱིམ་བདག་ཅིག་ཡིན་ནམ།

ཁྱེད་ནི་ཁྱིམ་བདག་ཅིག་ཡིན་ནམ། ཁྱོད་ཀྱི་བྱིས་པར་ལག་འཁྱེར་ཁ་པར་(ཡང་ན་གློག་ཀླད་)ཡོད་དམ།

རང་ཉིད་ཀྱི་བྱིས་པས་དྲ་ཐོག་ནས་དུས་ཚོད་ག་ཚོད་གཏོང་གི་ཡོད་མེད་དང་ཁོང་ཚོའི་དྲ་ཐོག་གི་བདེ་འཇགས་ལ་ཁྱེད་ཀྱིས་རྟག་ཏུ་སེམས་ཁུར་བྱེད་ཀྱིན་ཡོད་དམ། གལ་ཏེ་ཡོད་ཚེ། དེ་ལྟ་བུའི་ཁྱིམ་བདག་ཁྱེད་རང་གཅིག་པུ་མིན།

ཚན་རྩལ་རིག་གནས་དར་རྒྱས་ཤུགས་ཆེར་འགྲོ་བཞིན་པའི་དུས་རབས་འདི་ལ། དྲ་སྦྲེལ་དང་ལག་རྩལ་ནི་བྱིས་པའི་ཉིན་རེའི་སློབ་སྦྱོང་དང་། སྤྱི་ཚོགས་འབྲེལ་ལམ། རོལ་རྩེད་བཅས་ཀྱི་གྲུབ་ཆ་མེད་དུ་མི་རུང་བ་ཞིག་ཏུའང་འགྱུར་བཞིན་ཡོད་སྟབས། འཛམ་གླིང་ཡོངས་ཀྱི་ཁྱིམ་བདག་མང་ཆེ་བས་རང་ཉིད་ཀྱི་བྱིས་པས་དྲ་རྒྱ་ཇི་ལྟར་བཀོལ་སྤྱོད་བྱེད་ཀྱི་ཡོད་མེད་སྐོར་ལ་དོ་ཁུར་བྱེད་པའི་གནད་དོན་ཉིན་རེ་བཞིན་ཇེ་ཆེར་འགྲོ་བཞིན་ཡོད།

ངས་གཤམ་ལ་གནད་དོན་དེ་དང་འབྲེལ་བའི་སྐོར་ལ་མཁས་པ་ཚོས་ཕྲུ་གུའི་བདེ་ཐང་གི་ཆེད་དུ་ཁྱིམ་བདག་ཚོར་གནང་བའི་ཐུན་མོང་གི་ལམ་སྟོན་འགའ་ལེགས་སྒྲིག་བྱས་ཡོད་པས། ཁྱེད་རྣམས་པར་ཕན་ཐོགས་ཡོང་བའི་རེ་བ་ཡོད།

བྱིས་པར་སྒྲིག་ལམ་གསལ་པོ་བཟོ་དགོས།

* བྱིས་པར་དྲ་རྒྱ་བཀོལ་སྤྱོད་ཀྱི་དུས་ཚོད་གཏན་འཁེལ་བྱ་དགོས། དེ་ལྟར་བྱས་ནས་ཁོང་ཚོའི་དྲ་སྟེང་གི་དུས་ཚོད་དོ་མཉམ་ཡོང་བར་བྱ་དགོས།

* བྱིས་པས་དྲ་རྒྱའི་སྟེགས་བུར་ཐོ་འགོད་བྱེད་སྐབས། ཁོ་ཚོས་ལོ་13མན་གྱི་མིང་ཐོག་ནས་ཐོ་འགོད་བྱས་ཡོད་པའི་ཁག་ཐེག་བྱེད་དགོས། (གལ་ཏེ་ཁོ་ཚོར་གདམ་ག་ཡོད་ན། ) དེ་ལྟར་བྱས་ཚེ་དྲ་སྟེང་དུ་ལོ་ན་མ་སོན་པའི་ནང་དོན་གང་རུང་རང་འགུལ་གྱིས་བཀག་འགོག་བྱེད་ངེས་ལ། བྱིས་པས་དྲ་སྟེང་དུ་ལས་ཀ་ག་འདྲ་བྱེད་རུང་། དེ་ལ་ཕ་མའི་མོས་མཐུན་འཐོབ་དགོས།

* ཕྲུ་གུར་དྲ་ཐོག་ཏུ་མི་སྒེར་གྱི་ཆ་འཕྲིན་ཁྱབ་བསྒྲགས་བྱེད་མི་རུང་བ་གསལ་འདེབས་བྱེད་དགོས། དཔེར་ན། སོ་སོའི་མིང་དང་། སྡོད་གནས། ཁྱིམ་ཚང་གི་འདྲ་པར། ཁ་པར་ཨང་གྲངས། སློབ་གྲྭའི་མིང་སོགས།

* ཕྲུ་གུར་དྲ་ཐོག་གི་མི་སུ་དང་སུ་ཞིག་ཡིན་རུང་། ཐ་ན་གྲོགས་པོ་ཚུན་ཆད་ལའང་རང་ཉིད་ཀྱི་གསང་གྲངས་མཉམ་སྤྱོད་བྱེད་མི་ཉན་པ་གསལ་པོར་བཤད་དགོས།

དྲ་རྒྱ་དེ་མི་ཁ་ཤས་ཀྱིས་བེད་སྤྱོད་ལོག་པ་གཏོང་སྲིད་པ་རེད། བྱིས་པའི་བདེ་འཇགས་ཁག་ཐེག་བྱེད་ཆེད། གཤམ་གྱི་དོན་གནད་འདི་དག་བྱིས་པར་གསལ་པོར་བཤད་དགོས།

* དྲ་ཐོག་ནས་ངོ་ཤེས་པའི་མི་དང་གཏན་ནས་ཐུག་མི་རུངབ་དང་། གལ་ཏེ་ཐུག་འཕྲད་བྱེད་དགོས་བྱུང་ན། ཁྱིམ་བདག་གི་ལྟ་སྐུལ་དང་ལེན་བྱེད་དགོས་པ།

*འཕྲིན་སྐྱེལ་སྟེགས་བུ་གང་རུང་གི་སྟེང་འཇིགས་སྐུལ་གྱི་ཆ་འཕྲིན་འབྱོར་ཚེ། དེ་ལ་ལན་འདེབས་གང་བྱས་རུང་ཕ་མར་ཤེས་སུ་འཇུག་དགོས་པ།

གལ་ཏེ་དྲ་ཐོག་ནས་མཐོང་བའི་གླེང་མོལ་དང་ནང་དོན་གང་རུང་གིས་སྐྲག་སྣང་དང་སེམས་མི་བདེ་བའི་གནས་སྟངས་བཟོས་ཡོད་ཚེ། ཕ་མར་ཤེས་སུ་འཇུག་དགོས་པ།

བྱིས་པས་དྲ་རྒྱ་ཇི་ལྟར་བཀོལ་སྤྱོད་བྱེད་ཀྱི་ཡོད་མེད་ལ་ལྟ་སྐུལ་བྱེད་དགོས།

* ཕ་མས་རང་རང་གི་བྱིས་པ་ཚོས་ཁ་པར་ནང་དུ་བཀོལ་ཆས་གང་དག་བཀོལ་གྱི་ཡོད་པ་དང་། ཁོ་ཚོས་རོལ་རྩེད་ཅི་ཞིག་རྩེ་བཞིན་ཡོད་པ། ཁོ་ཚོས་དྲ་ཚིགས་གང་དག་ལ་ལྟ་ཀློག་བྱེད་བཞིན་པ་བཅས་ཤེས་དགོས།

* ཁྱིམ་བདག་མི་ཉུང་བ་ཞིག་གིས་ཕྲུ་གུར་གང་འདོད་ལྟར་ཁ་པར་དང་། གློག་ཀླད། ལག་འཁྱེར་གློག་ཀླད་སོགས་བཀོལ་སྤྱོད་བྱེད་དུ་མི་འཇུག་པ་དང་། གལ་ཏེ། བཀོལ་སྤྱོད་བྱེད་དུ་བཅུག་ཚེ། ཕ་མའི་མིག་གིས་མཐོང་ས་རུ་བཀོལ་སྤྱོད་བྱེད་དུ་འཇུག་རྒྱུའི་གྲོས་འགོ་འདོན་གྱི་ཡོད། དེ་ལྟར་བྱས་ཚེ། བྱིས་པ་ཚོས་སོ་སོའི་ལོ་ཚོད་དང་མི་འཚམ་པའི་དྲ་ཚིགས་སྟེགས་བུར་ཞུགས་མི་ཐུབ་པའི་ཁག་ཐེག་བྱེད་ཐུབ།

ཕ་མ་ཚོར་ཕུལ་བའི་ལེགས་སྐྱེས།

བྱིས་པས་དྲ་ཐོག་ནས་རོལ་རྩེད་ཉོ་སྒྲུབ་བྱས་པ་ལ་བརྟེན་ནས་དངུལ་འབོར་ཆེན་པོ་ཤོར་བར་འཁང་ར་བྱེད་མཁན་གྱི་ཕ་མ་མང་པོ་ཞིག་ངས་ངོ་ཤེས་ཀྱི་ཡོད། འདི་ནི་འཛམ་གླིང་ཡོངས་ཁྱབ་ཀྱི་གནས་སྟངས་ཤིག་ཆགས་ཡོད་ལ། ལྷག་པར་དུ་བྱིས་པར་རང་གི་ཁ་པར་མཉམ་སྤྱོད་བྱེད་དུ་འཇུག་མཁན་གྱི་ཁྱིམ་བདག་ཚོར་མཚོན་ན་ཆེས་རྒྱུན་ལྡན་ཡིན་ནོ།། དེང་སྐབས་ང་ཚོས་ཕྱོགས་གསུམ་པའི་མཉེན་ཆས་ཚོང་ཁང་མི་འདྲ་བ་ཁག་ནས་ང་ཚོའི་ཁ་པར་སྟེང་མཉེན་ཆས་ཕབ་ལེན་བྱེད་ཀྱི་ཡོད། གཤམ་ལ་ངས་ཁྱོད་ཀྱི་ཀུ་ཤུའི་བིམ་མཛོད་དང་ཨན་ཌོ་ཁ་པར་གྱི་མཉེན་ཆས་ཚོང་ཁང་ནས་ཅ་ལག་ཉོ་སྒྲུབ་ཚོད་འཛིན་བྱེད་ཐབས་ཀྱི་གོ་རིམ་ཁག་ངོ་སྤྲོད་བྱེད་རྒྱུ་ཡིན། དེ་མིན་གྱི་མཉེན་ཆས་ཚོང་ཁང་གཞན་ཚང་མར་དེ་དང་ཆ་འདྲ་བའི་་ཚོད་འཛིན་དང་དོ་དམ་གྱི་སྒྲིག་འགོད་ཡོད།

ཀུ་ཤུ་ཁ་པར(iOS)་བཀོལ་སྤྱོད་བྱེད་མཁན་གྱིས། སྒྲིག་འགོད་ནང་གི་བརྙན་ཤེལ་བཀོལ་སྤྱོད་ཀྱི་དུས་ཡུན་བརྒྱུད་དེ་མཉེན་ཆས་སྣ་ཚོགས་ཉོ་སྒྲུབ་བྱེད་པ་ནུས་མེད་བཟོ་ཆོག[a]

༡ སྒྲིག་འགོད་ཀྱི་ཐོག་ཏུ་ནོན།设置>དེ་རྗེས་屏幕使用时间(བརྙན་ཤེལ་བཀོལ་སྤྱོད་ཀྱི་དུས་ཡུན)ཁ་ཕྱེ་དགོས། གལ་ཏེ་དེ་སྔོན་ནས་ཁ་ཕྱེ་ཡོད་ཚེ། ཐད་ཀར་གོ་རིམ་༣པར་འགྲོ་ཆོག

༢ “མུ་མཐུད་”ཐོག་མནན་ཏེ། ”འདི་ནི་ངའི་[ཡོ་ཆས་]ཡིན་”ཞེས་པའམ་ཡང་ན་”འདི་ནི་ངའི་བྱིས་པའི་[ཡོ་ཆས་]ཡིན།”ཟེར་བ་དེ་འདེམས།

*ཕ་མ་དང་བྱིས་པའི་ལྟ་སྐྱོང་མི་སྣ་ཚོས་མི་གཞན་པར་རང་གི་ཁ་པར་སྟེང་གི་སྒྲིག་འགོད་ལ་འགྱུར་བ་གཏོང་དུ་འཇུག་འདོད་མེད་ཚེ། ངའི་[ཡོ་ཆས་]འདེམས།

༡) བརྙན་ཤེལ་བཀོལ་སྤྱོད་ཀྱི་དུས་ཡུན་གསང་གྲངས(屏幕使用时间密码)སྤྱད་དེ། གསང་གྲངས་གསར་བཟོ་བྱེད་དགོས། གསང་གྲངས་ཤིག་ནང་འཇུག་བྱེད་དགོས། དེ་རྗེས་ཡང་བསྐྱར་གསང་གྲངས་ནང་འཇུག་བྱས་ནས་ར་སྤྲོད་བྱ་དགོས།

* དྲན་སྐུལ། གསང་གྲངས་གསར་བ་དེ་ནམ་རྒྱུན་ཁྱེད་ཀྱི་ཁ་པར་ཁ་འབྱེད་བྱེད་ཀྱི་གསང་གྲངས་དེ་ལས་གཞན་པ་ཞིག་ཡིན་དགོས།

༢) གསང་གྲངས་གཏན་འཁེལ་བྱས་རྗེས། ཁྱེད་ཀྱི་ཀུ་ཤུའི་བིམ་མཛོད(Apple ID)་ཁ་བྱང་དང་གསང་གྲངས་ནང་འཇུག་བྱེད་པའི་རེ་སྐུལ་ཞུ་ངེས། གལ་ཏེ་མ་འོངས་པར། ཁྱོད་ཀྱིས་བརྙན་ཤེལ་བཀོལ་སྤྱོད་ཀྱི་དུས་ཡུན་(屏幕使用时间)ཀྱི་གསང་གྲངས་བརྗེད་ཚེ། ཁྱོད་ཀྱིས་རང་གི་ཀུ་ཤུའི་བིམ་མཛོད་དང་གསང་གྲངས་ལ་བརྟེན་ནས་བརྙན་ཤེལ་བཀོལ་སྤྱོད་ཀྱི་དུས་ཡུན་གསང་གྲངས་བསྐྱར་བཟོ་བྱེད་ཆོག

ཁྱིམ་བདག་གམ་ཕྲུ་གུར་ལྟ་སྐྱོང་བྱེད་མཁན་ཚོས། ཕྲུ་གུའི་ཁ་པར་སྟེང་དུ་བརྙན་ཤེལ་བཀོལ་སྤྱོད་ཀྱི་དུས་ཡུན་བཀོད་སྒྲིག་བྱེད་འདོད་ཚེ། ”འདི་ནི་ངའི་བྱིས་པའི་[ཁ་པར]ཡིན་”ཟེར་བ་དེ་གདམ་གསེས་བྱེད་ཆོག

༡) དེ་ནས་ཁྱིམ་བདག་གི་གསང་གྲངས་ཁྲོད་དུ་གསང་གྲངས་ཤིག་ནང་འཇུག་བྱེད་དགོས། ཡང་བསྐྱར་གསང་གྲངས་ནང་འཇུག་བྱས་ནས་ཁག་ཐེག་བྱ་དགོས།

༣)དེ་ནས་ནང་དོན་དང་གསང་རྒྱ་ཚོད་འཛིན（内容与隐私限制）་གྱི་ཐོག་ཏུ་ནོན། འདིར་ཁྱེད་ཀྱི་གསང་གྲངས་ནང་འཇུག་བྱེད་དགོས་པའི་རེ་སྐུལ་ཞུ་སྲིད། དེའི་རྗེས་སུ་ནང་དོན་དང་གསང་རྒྱ་ཚོད་འཛིན་ཁ་ཕྱེ་དགོས།

༤)་ དེ་ནས་iTunes & app Store 购买་ཐོག་ལ་ནོན།

༥) དེ་ནས་app 内购买项目ཐོག་མནན་ཏེ། ཆོག་མཆན་མེད་(不允许)ཅེས་པའི་གདམ་ག་དེ་འདེམས།

ཨན་ཌོ་ཁ་པར་ལ་བཀོལ་ཆས་ཕབ་ལེན་བྱ་སའི་བཀོལ་ཆས་ཚོང་ཁང་མི་འདྲ་བ་མང་པོ་ཡོད། གལ་ཏེ་ཁྱེད་རང་ཨན་ཌོ་ཁ་པར་བཀོལ་མཁན་ཞིག་ཡིན་པ་དང་། དེའི་ནང་དུ་དྲ་ལམ་གྱི་ཉོ་ཚོང་གི་ཆེད་དུ། རང་ཉིད་ཀྱི་དངུལ་ཁང་གི་བྱང་བུའི་གནས་ཚུལ་བཅུག་ཡོད་ཚེ། ཁྱེད་ཀྱི་གོང་གི་གོ་རིམ་ལྟར་དོ་དམ་བྱེད་ཆོག་པའི་གདམ་ག་ཡོད་ངེས།

ཁྱེད་ནི་ཁྱིམ་བདག་ཅིག་ཡིན་ནམ།

འབྲེལ་ཡོད་གནས་ཚུལ་།

སྡེ་ཚན།

དྲ་བའི་རྨི་ལམ་ཐོལ་བརྒལ་མངོན་འགྱུར།

དྲ་རྒྱའི་འཇིག་རྟེན་འཇིག་ཉེན་ཀུན་བྲལ།

བོད་ཀྱི་སྐྱེས་མའི་དབུ་འཕང་ཡར་བསྟོད།